About us
About Us
Namaste, hum hain Team Avdhut Gyan.
Is blog ki shuruat kisi bade plan se nahi, Haridwar me Ganga kinare baith kar hui thi. Hum 2-3 dost hain jo Bhagwan Dattatreya aur Avdhut parampara ko dil se mante hain. Hum koi bade pandit ya gyani nahi hain, bas seekhne wale hain.
Kuch saal pehle hum Girnar Parvat ki yatra par gaye the, jise Dattatreya ji ka dham kaha jata hai. Wahan ek sant ne hume 24 Gurus ki kahani sunayi. Wapas aane par jab humne iske baare me internet par padhna chaha to sahi jankari mili hi nahi. Ya to English me thi ya bahut kathin thi.
Tabhi humne socha, kyun na jo humne suna aur mehsoos kiya, use simple Hindi me likha jaye. Taaki Haridwar ho ya Mathura, gaon ka har aadmi use samajh sake.
Bas wahi se Avdhut Gyan bana.
Hum kaun hain? Team me Angiras hai jo Haridwar se is blog ko likhta aur sambhalta hai. Uske saath 2 aur saathi hain, ek granthon se sahi jankari nikalta hai aur dusra usko simple bhasha me likhta hai. Hum teeno mil kar hi ye kaam karte hain.
Humare lekh Girnar, Haridwar, Mathura-Vrindavan, Kashi aur Ujjain jaise pavitra sthalon ki yatraon aur santo ke anubhav par based hote hain. Hum AI se kuch nahi likhte, har lekh khud padh kar likha jata hai, isiliye time lagta hai par dil se likha hota hai.
Agar aapko hamara kaam pasand aaye to apne doston tak pahuchayein. Koi galti lage to hume batayein.
Sampark: lokapaal07@gmail.com
Jai Guru Dattatreya
Team Avdhut Gyan, Haridwar
टिप्पणियाँ